Aizawl: Mizoram sawrkarin a dilna ngai pawimawhin naktip Thawhlehni atang hian Air India chuan Aizawl leh Kolkata inkarah thlawhna dang a thlawh tir dawn.
Aviation hotute hnen atanga Zalen thudawn danin tuna service mek bakah hian Air India chuan kar khatah vawi thum additional flight hi an tir dawn a, thlawhna hi Thawhlehni, Nilaini leh Ninganiah te a thlawk thin dawn a ni.
Hetih lai hian Aizawl-Guwahati inkara thlawhna thlawk tura sawrkarin an ngenna chungchangah engmah thuthar a la awm lo a. Helai inkar service tur hian Indigo te beisei an niin mahse engmah sawrkar lam chuan thuthar dawn an la nei lo niin Principal Consultant, Civil Aviation Wg. Cdr. J.Lalhmingliana chuan Zalen palai a hrilh.