ZALEN September 26, 2023 : Mizorama sumdawng pawl lian ber, Mizoram Merchant Association (MIMA) chuan September 29-a hman tur Mim Kut pualin an thil zawrh te Sepetember 27 atangin tih tlawm runpui hmang turin an member te an hriattir a, an thil zawrh te man pangngai aiin an titlawm dawn.

MIMA chuan "MIM KUT hi kan hmangaih kal ta te pual Kut anih avangin, kan hmangaih kal ta te hriatreng nan hemi pual hian sumdawng zawng zawngten mahni thil zawrhah, 'Discount pui' ni 27.9.2023 atanga ni 29.9.2023 thleng pe vek turin MIMA chuan Sumdawngte a ngen a ni," an ti.

Sumdawng pawl chuan, "Kan hnam rohlu kut te a ral mai loh nana MIM KUT hman Sorkar in a rawt chhuak hi a tha hle a ni. 'Discount pui' pek hi sumdawngten ngai pawimawh turin kan inngenin kan inhriattir a ni e, an ti bawk.