National Film Award 2023-ah Alia Bhatt a langsar ber

National Film Award chu a vawi 69 nan sem a ni leh ta a, award ngaihhlut hlawh Best Actress chu Alia Bhatt kutah hlan a ni a, Kriti Sanon nen he award hi an dawng a ni. Best Actor atan Allu Arjun thlan a ni ve thung a, award ceremony hi India President Droupadi Murmu chuan a hmunpui a ni.

Award sem programme hi Vigyan Bhavan, New Delhi-ah neih a ni a, India President Droupadi Murmu bakah mi pawimawh tak tak an pung khawm. Bollywood star lar ber ber an inlan a, Alia Bhatt leh a pasal Ranbir Kapoor ten lawm an hlawh a, boruak nei lian ber tih ngam an ni. Best Actor Allu Arjun leh a nupui Sneha Reddy te pawh mipui mit fukna an ni.

Award dawng thei tur thlanna endiktute hi sawrkarin a ruatte an ni a, National Film Festival tan hmain awaard semna hi neih a ni. Best Feature Film atan 'Rocketry' thlan a ni a, Best Director chu Nikhil Mahajan, Godavari a ni.

President Droupadi Murmu chuan actor Waheeda Rehman hnenah Dadasaheb Phalke Lifetime Achievement Award a hlan bawk a ni.

National Film Award 2023 Winner thenkhat

Best Actor : Allu Arjun, Pushpa

Best Actress: Alia Bhatt, Gangubai Kathiawadi & Kriti Sanon, Mimi

Best Feature Film : Rocketry

Best Supporting Actor : Pankaj Tripathi, Mimi

Best Supporting Actress: Pallavi Joshi, The Kashmir Files

Best Director: Nikhil Mahajan, Godavari

Best Popular Film Providing Wholesome Entertainment: RRR

Best Child Artist: Bhavin Rabari, Chhello Show

Best Screenplay (Original): Shahi Kabir, Nayattu

Best Music Director (Songs): Devi Sri Prasad, Pushpa