Aizawl: Lallawmawmi (3), Sihtlangpui khua, Lawngtlai District chu a lung zai a ngai a; mahse, pawisa an neih loh avangin mi dangte tanpuina an nghak mek. Thudawn danin Lallawmawmi hi chhungkaw khawsak harsa tak atanga chawrchhuak a ni a, a nu Hrangthannguri chuan a pian hnu lawkah a boralsan a, a pa hian a pian hmain a kalbosan niin an sawi. Amah enkawl thei an awm loh avangin a nu thih hnu hian Lairam Motherless Babies Home-ah dah a ni. He home-a a awm lai hian lung lam tha lo (Cardiac disease) a nei tih hmuhchhuah a ni a, Lawngtlai-ah lung lam doctor an awm loh avangin Mizo Hmeichhe Tangrual Pawl enkawl Motherless Babies Home, Aizawl Khatla ah 25th October, 2016 khan dahluh a ni. Amah hi open heart surgery ti turin BN Birla Heart Research Centre Kolkata-ah Dr Loncy chuan a refer-a; mahse, sum an neih loh vangin an buai hle a. Vanneihthlak takin USA lama Mizo Church of Iowa (MCI) chuan tanpui ngaite tan tiin Western Union kaltlangin $ 500/- an rawn thawn hlauh va, hei hi a bultan nana hman tum a ni a, inzai nan hian a tlem berah nuai 4-5 a ngaih tur thu doctor te chuan an sawi a ni. Aizawl khawpui chhunga awm, bank dawr remchang lo, tanpuina pe duh tan RC Khuma VIP Tailors dawr, Dawrpui Taxi Stand bulah tanpuina hi pek theih a ni a. Bank kaltlanga pe duh tan a chunga tar lanah hian pek theih a ni bawk. Pek theihna Account holder : Vanneihthanga & C Lalduhawma. AC No : 32266773481 CIF No : 86301790407 IFS Code : SBIN0007058 SBI Mission veng branch. ATM No : 5196 1902 4349 2651