Aizawl July 10, 2024 : Vawiin khan Mission Foundation Movement te chuan Hlimen-a Cyclone Remal-in in leh lo a tihchhiat chhungkua 21 te chu Relief Camp a insakna atan bungrua leh ei tur an pe a. Adviser to Chief Minister TBC Lalvenchhunga leh AMC Corporator Dr. C. Malsawmtluangi ten an telpui a ni.

Relief fund hi North Eastern Development Finance Corporation Ltd (NEDFi) ten an CSR fund MFM kaltlang an pek a ni a. Shuttering board - 142, rangva bundle 90, etc. leh eitur buhfai bag 40, dal bag 40, alu bag 40 leh thildang a mamawhtu chhungkua te tan an hlan.

TBC Lalvenchhunga chuan MFM in mipui mamawh phuhru tura an hmalakna chu lawmawm a tih thu a sawi a. Sawrkar in mumal zawka CSR fund tangkai taka hman dan tur ngaihtuahin ruahmanna a siam chhoh mek thu a sawi bawk.

He hunah hian Hlimen Relief committee leh khawtlang hruaitute pawh an tel a, chhiattawk chhungkua ten hetiang tanpuina an dawng thei hi sawrkar leh MFM te chungah lawmthu an sawi bawk.