Aizawl: Mizoram Pradesh Congress Committee chuan nimin zingkar khan chhungkaw 2,000 chuang zet ten eizawnna atana an hman, New Market Building sak chhunzawm mai loh chungchangah helai hmuna eizawngte thlavang hauhna hun New Market-ah an hmang.

Thlavang hauhna hun, VF Lalzarliana, Secretary MPCC kaihhruai ah hian thu sawiin MPCC General Secretary H.Rohluna chuan, “Bazarpui chei that hna hi Congress sawrkar laia bul tan niin, MNF a rawn sawrkar hnu khan chhunzawm mai loin kum khat leh a chanve teh meuh mai pawisa awmsa hman nghal mai theih chu hmang phal lo a, chhungkaw 2,000 chuangte eizawnna ngaihtuah miah loa an lal zui kha a pawi kan ti hle a ni,” a ti. TT Zothansanga leh Rosiamngheta ten thlavang hauhna thu an sawi bawk.