Dog Show 2014 Aizawl Kennel Club buatsaihin nimin khan Pachhunga University College Playground-ah 'Dog Show' neih a ni a, Aizawl South-I bialtu MLA, R Vanlalvena'n khuallian niin a hmanpui. Bank nuar dawn February ni 10 leh 11, 2014 khian India rampum huapin Bank strike neih tum a ni a, Mizoram Rural Bank pawhin a zawm ve dawn a, mipui hriat thiamna an ngen. Odhisa Mizo Kut Odhisa-a Mizo awmte chuan nimin khan NALCO Auditorium, Bhuba-neswar-ah 'Mizo Kut' an hmang a, Mizoram atangin Mizo Zirlai pawl General Headquarters President, Lalhmachhuanan chuan ‘ Kut Pa’ niin a hmanpui. Kut thupui atan hian "Enriching socio-cultural relations between Odhisa & Mizoram" tih an hmang a ni. Ni 2,106 kalkim Sangthuama Ralte, Maubawk Tamdo chuan, an fapa MS Dawngliana Ralte in Kg-I atanga Class-XII thleng school thulh miah lova ni 2,106 a kal theih avanga Pathian hnena lawmthu sawi nan, miharsate tanpuina turin Chief Minister’s Relief Fund-ah Rs.2,106/- a pe. Thisen pek runpui Association for Voluntary Blood Donation (AVBD) chuan February ni 14, 'Valentine's Day' khian Govt. Mizo HSS Indoor Stadium-ah thisen pek runpui, ‘Blood for your Valentine’ an huaihawt dawn a, Mizo thalai zawng zawngte thisen pe turin an sawm. UN-ah kaisang Jeremi L Khawbung (25) d/o Lalsanglur (L), Khawbung, tuna Harangajao, NC Hills, Assam chuan United Nations Foundation hnuaiah Spokesperson exam hmachhawnin a inziak tling. Amah hi UN hnuaia Media and Communication Officer hnathawk lai a ni a; Geneva, Switzerland-ah a training mek. ICT leh MJA tangkawpin Seminar nei dawn Aizawl; Information & Communications Technology deptt. leh MJA tangkawp chuan district hrang hrang khawpui ahte 'E-Governance & Social Media' tih thupui hmangin seminar an buatsaih dawn a. February ni 12 hian Lawngtlai, ni 13-ah Lunglei, ni 14-ah Serchhip-ah te neih a ni ang. Seminar hi Champhai, Mamit, Kolasib leh Aizawlah te neih a ni dawn bawk.