Thisen pe
Nimin khan Ramhlun Vengchhak branch KTP chuan Synod hospital ah thisen unit 14 an pe a, thisen petu te hi mipa 10 leh hmeichhia 4 an ni.

Ruang chhar
Nimin zing khan Stephen Lalhmuchhuaka (26) s/o Lalthansangi Tuikual South ruang chu Rangvamual kawng (four lane) ah chhar a ni a, nimin tlai dar 3:00 khan vui a ni.

Meth man
Aizawl Battalion of Assam Rifles te chuan Directorate of Revenue Intelligence (DRI) te nen tangkawpin nimin, Augus 29, 2020 khan Diltalang, Champhai District, -ah Methaphetamine Tablets nuaih khat chuang an man a, tualchhung rate in cheng maktaduai 3.50 man hu vela chhut a ni.

Online-a Doctor rawn theih
Aizawl: ZCOVID-19 hripui leng mek avanga damlo ten awlsam zawk leh pawn chhuak lova mahni inlum ngei atanga Doctor te an rawn zung zung theih nan Ministry of Health & Family Welfare chuan Telemedicine E-Sanjeevani OPD Application chu mipuite hman theih turin a ti a, National Health Mission(NHM) Mizoram chuan mipuiten hlawk tak leh tangkai taka an chhawr thuai theih nan chak takin hma a la nghal a ni.