MZU 'Grade - A' Mizoram University (MZU) chuan University Grants Commission hnuaia Autonomous Body, National Assessment & Accreditation Council (NAAC) hnen atangin Grade 'A' a hmu thar. NAAC hian India ram University leh College hrang hrang te dinhmun zir chiangin Grade an pe thin a ni. Drama Centenary Mizoten Drama an hmelhriat leh channa kum 100 tlin (Centenary) lawm nan Art&Culture Deptt. leh NEZCC, Dimapur chuan 'Drama Festival' a buatsaih mek a. February ni 25 leh 26, 2014 chhung hian Vanapa Hall, Aizawlah Mizo lemchang thiam berte an fuankhawm ang. Ni hnih chhung hian dar 11 atangin lemchan hmuhnawm tak tak entir thin a ni dawn a, a en turin a duh apiang sawm an ni. Lehkhabu thar February ni 25,2014 (Thawhlehni) chhun dar 12 hian C Lalrochhara article hrang hrang dahkhawmna 'I tan ka ti' tih chu I&PR Auditorium ah tlangzarh a ni ang. SICA sem dawn Kum 2011-2012 chhunga NE Level, National Level leh International Level infiamnaa medal dawng chin te hnenah February ni 28, 2014 chawhma dar 11 khian Synod Conference Centre, Mission Veng-ah Incentive Cash Award sem a ni dawn a, Parliamentary Secretary Hmingdailova Khiangte in a hmanpui ang. Thisen Unit 14 pe Nimin khan Evangelical Church of Maraland KTP Siahatla Branch te chuan Saiha damdawi Ina dah turin thisen unit 14 an pe a, thisen petute hi mipa 10 leh hmeichia 4 an ni.