April 25, 2023; Vawiin khan LAD minister K. Lalrinliana'n a office ah National Pachayat Awards - 2023 'Nanaji Deshmukh Sarvottam Pachayat Salat Vikas Puraskar (NDSPSVP)' lawmman pakhatna dawngtu Ngopa VC te, press mi te leh LAD official te lengah sawmin thingpui inhona a neihpui.

Minister chuan India ram pumpui a Panchayats 2,55,000 chuang zinga NDSPSVP category ah lawmman pakhatna dawngtu Ngopa VC chu Mizoram tihmingthatu an nih avangin chhuanawm a tih thu a sawi a, Ngopa VC ten lawmman an lak Rs. 1,50,00,000 pawh central sawrkar duh dan angin Ngopa khua hmasawnna hna thawh nan hmang ngei turin Ngopa VC te a ngen bawk.

April ni 14, 2023 khan Ngopa VC hian India president hnen atangin New Delhi ah lawmman hi an dawng a, lawmman semna programme ah pawh LAD minister leh LAD official te an tel.