July 19, 2023; Tlabung Village Council leh Tlabung Welfare Committee, Aizawl huaihawtin, NHIDCL office tual, Tuikhuahtlangah kawngpui siamthat thuai duhna lantirin an pungkhawm. 

Punkhawmna a thusawitute chuan Tlabung kawng NHIDCL hmalakna a siam chu ngaihthah a ni hle tih sawiin, kum 2021 atanga kum 2 chhunga thawh zawh turah tun thlengin za a 17 vel chiah thawh a la ni tih an sawi a, tek tlak tir emaw, mei sur tir emaw ngai lo tura ngaihsak an phut tih an sawi.

Kawng chhia vangin mi pahnihin nunna an lo chan tawh tih tarlan ni bawkin, chungte tan chuan Khawthlangtuipui group YMA in zangnadawmna an ngiat a, mahse chhanna a la awm lo. "Mihring nunna in tawrh belh tawh lo se kan duh, India khua leh tui mamawh chakkhai lakna kawng hi chak zawkin min siam sak ngei rawh se," an ti bawk.