Aizawl June 19, 2022 : India ramah COVID-19 leng chuan ziaawm lam a pan tawh mek laiin tun hnaiah a kai hmuh an pung thar leh mek a. Darkar 24 liam ta chhung khan mi 13,216-in an kai tih hmuh ni lehin hei hi ni 113 zet hnuah ni khata mi 13,000 chuang kai hmuh leh hmasak ber a ni.

Hri kai hmuh tharte nen hian mi 4,32,83,793-in Covid hi an kai tawh a, enkawl lai pawh pung zelin mi 68,108 an tling leh tawh tih union health ministry chuan a tar lang.

Darkar 24 liam ta chhung hian mi 23-in thihpui leh hmanin mi 5,24,840-in an thihpui tawh a ni.

Hri kai hmuh tawh zawng zawng a\anga chhutin enkawl lai hi 0.16% an ni mek a, 98.63% erawh enkawl dam an ni tawh thung.

Darkar 24 liam ta chhunga sample endik zinga 2.73%-in hri an kai tih hmuh a ni a, chawlhkar khat liam ta chhunga endik zinga 2.47%-in an kai bawk.