July 18, 2023; Tunhnai ni nga (5) chhungin Mizoram hmun hrang hrangah tui tlahlum mi pathum (3) an awm a, mipa vek an ni.

July ni 14, Zirtawpni tlai dar 3:20 vel khan Tuirial Hydel Project tuikhuahah Lalenghruaia (38), Mauchar chu tlain, ngawrh taka zawn a nih hnuah, Pathianni zing dar 4 vel khan hmuh a ni.

Pathianni chawhnu dar 2 vel khan Alex Rohluzuala (21) S/o F. Lalthankima, Luinglei Rahsi veng chu tuiah a tla a, a thiante nen Mat lui (Lunglei leh Zobawk inkar) ah kalin a chesual a, zawn chhunzawm nghal niin, a tlakna atanga feet 50 velah tuilut thiam ten tuichhungah an hmu a ni.

Hetihlai hian tun Pathianni tlai dar 4 bawr vel a Teirei lui, Bawngva kaia tla Lalfakawma (20) D/o Sangneihchhiari, Darlak, Mamit district ruang pawh tukin zing dar 4 vel khan hmuh a ni bawk.