Ni tlak hnuah thei ei loh tur!

Admin - Sep 05, 2021

Ei hun bik erawh neih a tha

Thei hi hriselna tan thil tangkai tak a ni a, chutih rual chuan ni tlak hnuah erawh ei loh a tha tih mithiamte chuan an sawi mauh mai. 

Thei hian vitamin leh mineral a pai hnem a, taksa hriselna atan pawh atangkai hle. Thei thar lam ni khata vawi hnih ei hi taksa hriselna atan a pawimawh em em a, ei hun bik erawh neih a tha hle. 

Lifestyle & wellness coach lar Luke Coutinho chuan ni tlak hnua thei ei hian kan thil ei paithawih dan leh mut hun bi a tibuai thei niin a sawi a, ni tlak hnuah chuan ei loh a him ber tih a sawi. Blood sugar level a tihsan theih avangin zan mut hunbi tlengin a tibuai thei a, hei hian hriselna a nghawng thei a ni, a ti. 

Engtikah nge ei tur?
Lifestyle medicine lama mithiam Luke Coutinho hian thei ei hun tha ber chu zingkar pum ruah lai a nih thu a sawi a, darkar eng emaw zat pum ruaka awm tawh hnua thei hrisel ei chu taksa hriselna atan a pawimawh hle a ni, a ti. Chu chuan kan thil ei paitawihna kawngah nasa takin a pui a, zingkar kaw ruah lai hi thei ei hun atana tha ber a nih thu a sawi. 

Thei hi chaw ei khama ei a tha viau bawk a, darkar thum tal nghah erawh a tha thung. Thil dangte nena ei pawlh chiam erawh a tha ber lo a, kan thil ei paitawih kawngah harsatna a thlen palh thei a ni. 

Thei hrisel tak pawh nise vawi leh khatah tam lutuk ei a tha lo a, taksa mamawh tawk chauh ei thiam a finthlak hle. Ei chak zawng leh tui tih zawng chauh ei reng tur a ni lo a, thei chi hrang hrang ei hi taksain a ngeih ber a ni. 

Share now