July 5; 2022; Nikum lam aiin kuminah ruahtui tla a tam a, nikum January - June chhung a ruahtui tla mm 650.3 a nih laiin, kumin January - June a ruahtui tla zat chu mm 850.7 a tling.

Directorate of Science and Technology hnuai a State Mateorological Centre atanga ZALEN thudawn danin, kumin January - June chhunga Aizawl a ruahtui tlak tam ber thla chu June niin, mm 355.3 a tla a, May ah mm 327.8, April ah mm 73.2, March ah mm 53.3, February ah mm 17.2 leh January ah mm 23.9 a tla.

Kumin kum chanve chhunga ruahtui tlak tam ber ni chu, June ni 18 kha niin, mm 64.2 a tla a, a tuk ni 19 ah mm 61.8 a tla bawk. Hetihlai hian kum kal ta 2021 kum chanve chhunga ruahtui tlak tam ber ni chu May ni 13 niin, mm 40.0 a tla a, 2021 kum tluan a ruahtui tlak tam ber ni, July ni 13 ah mm 49.0 a tla. Nikum kum tluan a ruahtui tla zat chu mm 1,917.6 a ni.

Data atanga a lan danin, fur hun chhung (May - September)-ah pawh July thla chu ruah sur tam zual thla a ni a. A tlangpuia lakin thla dang aiin July thlaah ruah a sur tam thin. Nikum 2021 ah pawh July ah mm 360.3 tlain, ruahtui tlak tam ber thla a ni.

Ruahtui tlak dan : Aizawl (mm)

Month     2021    2022
January   3.0          23.9
February  0.5         17.2
March      61.0        53.3
April        85.5        73.2
May         164.2      327.8
June         336.1      355.3
TOTAL      650.3      850.7