Aizawl: Niti Aayog-in tehna hrang hrang a siamah Mizoram chu Sustainable Development Goal (SDG) ah India ram state zinga a titha ber 6-na a ni.

Planning Department hotuten Zalen an hrilh danin Niti Aayog chuan tehna hrang hrang 17 siamin retheihna umbo, ei bar intodelh, hriselna leh hmasawnna tha, zirna tha, tui thianghlim, mipa leh hmeichhe intluk leh thil dangahte tehna hrang hrang siamin state-te a endik hnuah Mizoram chu a titha pawl a ni tih an sawi a. Niti Aayog hian September thla hian ranking thar hi a tichhuak leh dawn niin an sawi.

Planning thawktute chuan Niti Aayog tehna hman chu department hrang hrang report atanga tih thin a ni tih sawiin department hrang hrangte tanrual leh thawhho that a pawimawh hle tih an sawi.