Aizawl: Ministry of DoNER chuan kumin chhungin Non-Lapsable Pool of Resource(NLCPR) atangin project 11 atan cheng vaibelchhe 207.903 a pe chhuak tawh. Planning and Implementation Dept. atanga thudawn danin Mizoram Project zingah hian sawrkar laipui chuan January thla khan Project 7 atan Rs. vaibelchhe 108.613 a pe chhuak a, heng te hi Kau SHP leh Thenhlum inkara 33KV line tihchangtlunna tur te, Saiha-a 2x3.15 MVA leh P&E Complex leh Saiha inkara 33 KV line siamna tur te, Lawngtlaia-a 2x3.15 MVA leh P&E Complex leh Lawngtlai inkara 33 KV line siamna tur te, Lungleia Education Complex ( Administrative Building leh Teachers Training Complex) sakna tur te, Account and Treasury office sakna tur te, Aizawl Mualpuia Govt. Aizawl College New Campus building sakna tur bakah Institute of Human Behaviour and Allied Science ( khum 100 awmna hospital) sakna tur te an ni.