ZALEN February 1, 2025 : Lunglei District Congress Committee (LDCC) President R. Lalnunthara chuan Congress party chu mi hausa tlemte hlawkna siamtu ni lovin mirethei leh dinhmun harsa zawk te tana Policy duang tu an ni a ti a, NLUP tha zawk kalpui leh an tum tih a sawi.

Vawiina thuthar lakhawmtu te Congress Bawan, Lunglei-a a kawm naah Mathara chuan NLUP changtlung zawk Congress hian a kalpui leh dawn a ni tih sawiin, "Kum 2008-a NLUP kalpui a nih khan vbc. 2873.13 zet chu chhungkaw 15000 chuang hnenah semin mi tin thleng phak fairel bel a ni. NLUP kha chhungkaw tam takin an chhawr a, chuvangin NLUP tha zawk kalpui kan tum," a ti.

Lunglei Congress President chuan Party thenkhat in PM Modi a hnena NLUP ti tawp tura an hekna pawh PMO's in a lo hnawl tawh tih sawiin, "SEDP hmang te leh FOCUS atang ten nasa taka hmalak a ni a, NEDP hnuaiah Rs nuai 900 zet senna tur Lunglei bye pass road atan dah a niin Circuit house sakna tur Rs nuai 1000 dah a ni bawk. Sawrkar inthlak vangin tunah chuan a cheiin an chei ta ngawt a ni," a ti.

R. Lalnunthara chuan, "VC/LC inthlan tur hian MLA Inthlanpui a bang liam dawn a, chuvangin Mizo mipui ten NLUP changtlung zawk kalpui a nih theh na turin Congress VC/LC nei vek turin mipui te kan sawm a ni," a ti.