Khawvel ram dang laka in la hrang tlat North Korea ram chungchang hi hriat loh i la nei nual maithei. North Korean-ah chuan in tinah sorkar-in radio a pe vek a, off phal a ni lo va, a volume chiah tih zawih phal a ni. 

1. Lu meh dan style 15 chiah phal
Thuneitute chuan, a hmei a pa-in lu meh dan style 15 chiah an phalsak a, mipa-te chu an ram hotu ber (supreme leader) lu meh dana meh an phalsak lo bawk.  

2. Hun bi chhiar dan hrang an nei thlap
An ram hian khawvel ram dangte hman ang nilo, an mahni hun bi chhiar dan calendar hran an nei hrang thlap. North Korean calendar hi, an ram hmuchhuaktu Kim II-Sung-a pian kum 1912 atangin an chhiar tan ve chauh. Kumin hian an kum 110-an an hmang ve leih leih dawn chauh thihna nih chu.  

3. Khawvel-a stadium lian ber an nei teh tlat
North Korea hi khawvel-a stadium lian ber Rungrado Stadium awmna a ni a, he stadium-ah hian seat 150,000 zet a awm. Rungrado Stadium dawta stadium lian ber chu Michigan Stadium niin seat 40,000 zetin a tlem zawk. 

4. Tuchhuan thum thleng daih inhremna dan
Mi tuemawin an ram dan a bawhchhiat chuan, dan bawhchhetu chauh kha hrem mai lovin, thil tisual ve lo an chhungkaw dang pawh an hrem tel zel thin a, inthlahchhawn tuchhuan thumna thlengin an inhrem thin. 
 
5. Volvo car 1000 man ba 
North Korea founder Kim II-Sung khan kum 1970 bawr khan Sweden atangin Volvo car 1,000 zet chu a ba-in an ramah a hawn a, vawiin thlengin he car man hi an la pe lo thung. Swedish sorkar chuan kum tin car man ba hi thingin invoice an la thawn thin a, an sum bat hi US dollar makatduai 3.5 a chuang tawh. 

6. TV channel 3 chiah a awm
Korean Central Television (KCTV) hi an channel pui ber a ni a, ram zawng zawngah an channel hi a en theih nghe nghe. An channel dang pahnih te erawh kar tawpah chiah pek chhuah a ni thung. South Korean opera chu a larin an hmu duh em em a, mahse a ruk lo chuan tihchhuah phal a ni lo. An hmelma South Korean zai tichhuaktu hi thuneitu lamin an manchhuak palh hlauh a nih chuan, a hremna chu tihhlum a ni. 

7. Kum khat chhungin khawthlang khualzin 5,000 bakin an tlawh ngai lo
An khualzin (tourist) hmuh tam zawk chu China atanga kal an ni a, mi tam zawk chu bus hmangin an kal thin. Khawthlang ram atang chuan kum khatah tourist mi 5000-6000 bawr bak an nei ngai meuh lo. Thil chik leh an khawsak dan hmu ve duh hrim hrim an pun chhauh ak zel avangin khualzin pawh kumtin an pung chho ve hret hret. 

8. Lei tih that nan mihring ek an hmang thin
An ram a retheih em avangin, kuthnathawktute chuan an thlai chawmna leitha atan mihring ek an hman a ngai thin. Hei vang hian thlai eichhetu rannung a tam phah bakah natna hlauhawm a pun hluai a hlauhawm em em a ni. 

9. Mi challang leh thlan chhuahte chauh chen phalna Pyongyang
An ram khawpui Pyongyang-a chengte chu thuneitute chunga rinawm tura ngaih an ni a. An ram lal ber Kim Jong Un chuan a laka rinawm thei tur chhungkua chauh an ram khawpui Pyongyang-ah hian chen a phal. 

Pyongyang-ah hi chuan an nun dan pawh a danglam bik hle a, khawvela ei tur lar ber ber hamburger leh pizza te thlengin restaurant-ah zawrh chhuah phal a ni.