ZALEN June 21, 2024; An inrawktu man a, amah chauh a lo chelhtu, Lalsangpuii w/o Lalenkima chuan Aizawl PS atangin chawimawina a dawng.

Tranhril branch YMA in thuchhuah an siam a an tarlan danin, ni 16.6.2024 (Pathianni) a an inrawktu lo man a, amah chauha lo chelhtu Lalsangpuii w/o Lalenkima chuan Aizawl PS atangin huaisen chawimawina a dawng a ni.

Lalsangpuii hian ni 16.6.2024 (Pathianni) chhun khan an ina rukru lut chu hmu in a mana, a chhungte inkhawma an chhuah vek avangin amah chauhin inkhawm ban hma chu rukru hi alo chelh a ni.

Police leh YMA tangkawp ten rukru hi thu an zawh fiah hnuah tunhnaia in rawk leh thilbo hrang hranga inhnamhnawih midang 2 man belh an ni.

Lalsangpuii'n huaisen chawimawina a dawng hi Tanhril Branch YMA chuan a ngaihluin a lawmpui takzet tih an thuchhuah ah chuan an tarlang bawk.

Picture : Sangpuii hi naupai lai a nih avangin a aiawhin a pasalin chawimawina a dawn sak.