DOWNLOAD OUR APP

Read latest news on your phone
play-store app-store
app-store
ad
‘Nu leh Pa Ni’ leh ‘Kristian Chhungkaw Ni’
Tualchhung
Sep 24, 2023
ad
Mizoram Presbyetrian Kohhranin kum 2023 Beihrual an hman kal zelah Pathianni hian ‘Nu leh Pa Ni’ leh ‘Kristian Chhungkaw Ni’ an hman dawn.
 
Kohhran ni pawimawh pahnihte hi chawhnu leh zan inkhawmah hman turin hun hman dan tur pawh hmunpui atangin duan lawk a ni.
 
Chawhnu inkhawma ‘Nu leh Pa Ni’ hman turah ‘Nu leh Pa thu zawm’ tih thupui zir a ni ang a. Zan inkhawma ‘Kristian Chhungkaw Ni’ hman tur a ni a, ‘Chhungkuaa Lalpa rawngbawl’ tih thupui zir ho a ni ang. 
 
Beihrual hi September 1 atangin hman tan a ni a. September 4-10 chhung khan ‘Ramthar Hapta’ hman a ni a, September 25-29 chhung hian ‘Kristian Chhungkaw Hapta’ hman a ni ang. 
 
Beihrual hi June, 1918 atanga hman tan a ni a, kum 1925 atangin September thlaah hman thin a ni a, kum 1947 atangin Presbyterian Kohhran hian Nilai Zan Thupui Bu leh Beihrual Thupui hi bu khata siam tan a ni.

Latest News & Chhiar Hlawh