January 5, 2022; Kum 10 dawn kalta velah khan Pi Teresa Rothangpuii chu Sairang branch YMA president a lo ni tawh thin a, chumi hnuah kumin 2023 atana Sakawrtuichhun (Aizawl) branch YMA president turin Nl Rebecca Lalruatkimi chu thlan tlin a ni.

Chawlhhmun High School a zirtirtu hna thawk mek, Nl Rebecca Lalruatkimi hi OB a nih hmasak berin kum 25 mi a ni a, branch YMA ah vice president tih loh post dang chu a chelh kim vek tawh. Nikum khan Sakawrtuichhun Branch YMA ah Asst. Secretary a chelh.

ZALEN zawhna chhangin, YMA chu pawl thianghlim leh pawl ropui a la ni reng tih a sawi a, kohhran pawl hrang hrang thalaite min phuarkhawmtu pawimawh ber a nih thu a sawi. "YMA hi awm lo se, Mizo leh Mizo kan in hmu hrang viau ang a, kan hnam a ral hial tawh ang," a ti.

ZALEN in a hriat theih chinah Rebecca Lalruatkimi hi nula branch YMA president ni thei awmchhun a la ni a, OB post dang erawh chelh thei leh chelh mek engemawzah an awm thung.