Ola electric scooter thar chu August 15 khan tlangzarh a ni a, booking 75,000 zet a awm der tawh. S1 series te hi Rs. 90,000 leh Rs. 150,000 man inkar a ni hlawm a, hralh a kal zui zel a nih pawhin a mak lo ang. 

S1 series-ah hian duhthlan tur a awm nual tawh a, an model thar S1X-ah pawh hian duhthlan tur pathum - S1 X+, S1 X (2kWh), leh S1 X (3kWh) te a awm a ni. S1 X+ leh S1 X (3kWh) te hi - 6kW motor, 3kWh battery + 151km range niin, darkar khatah km 90 laia chakin a tlan theih a ni. S1 X+ hi an hralh chhuak hnai a, S1 X (2kWh) scooter erawh December-ah an hralh chhuak chauh ang. 

S1X hi Rs. 89,999 - 99,099 inkar man a ni a, S1 Air pawh Rs. 119,999 atangin a intan - S1 Pro te erawh a man pawh a to hret a, Rs. 147,499 atangin a intan thung a ni. Ola hian electric scooter-ah chuan India ram an thunun a tih theih a, April-July 2023 inkar pawh khan 87,611 zet an hralh chhuak a ni.