Aizawl June 28, 2024 : Tukin zing khan International Olympic Day pualin Olympic Day Run neih a ni a. Chanmari leh Sikulpuikawn atangin AR Ground pan in sports association hrang hrang atangin infiammi 1000 chuang an tlan a. Zing dar 7:00 ah AR Ground ah khuallian Sports & Youth Services Minister Lalnghinglova Hmar hovin hun hman ho leh a ni.

Khuallian Sport Minister Lalnghinglova Hmar chuan infiammite chu Olympic Day chibai buk in, an kal zelna turah theihtawp chhuah turin a chah a. Sports & Youth Services Minister chuan Olympic Games ah infiamna discipline a inthlak ve reng thu a sawi a. He Games, khawvelin a ngaihhlut leh khawvel infiammite intawhkhawmna pui berah hian Mizo thalai tam zawk an la tel theih a beisei thu a sawi.

Olympic Day Run ah hian sports association anga tel tam ber te hnenah lawmman pek a ni a. Mizoram Badminton Association hnenah lawmman Rs. 10,000 pek a ni. Mizoram Football Association hnenah lawmman pahnihna Rs. 7,000 pek niin, Mizoram Amateur Taekwondo Association ten lawmman pathumna Rs. 5,000 pek a ni bawk.

Mizoram Olympic Association President Robert Romawia Royte chuan programme hi kaihruaiin, V. Lalzawmliana, Secretary General, Mizoram Olympic Association chuan report a pe a. International Olympic Committee President thuchah chhiar chhuah ni bawkin, AR Ground programme hi Senior Vice President F. Lalnienga, Mizoram Olympic Association chuan lawmthu sawiin hun a khar a ni.