ZALEN August 21, 2023 : MPCC Vigilance Cell te chuan Meidum to Hortoki kawng laihnaah  sawrkarin tullovah Cheng nuai 17,811 a hmang an ti a, Phase I atan cheng nuai 4,445 sanction a ni tiin phase II atan cheng nuai 13,366 a saction bawk an ti, heng sum te hi NABARD atanga pawisa puk chawp hmanga thawh niin an sawi. Anni hian nimin khan Lokayuta-ah hemi chungchangah hian FIR an thehlut bawk a ni.

Phase |-ah hian contractor chu RV Hluna, Edenthar, Azawl niin, Phase II-a contractor thlan te chu, Zoramchhana, Electric Veng, Aizawl ; Lalthanthuami, Chawnpui, Aizawl ; KR Construction, Thuanpui, Aizawl leh V. Lalbiakzama, Venghlui, Aizawl te an ni a, Culvert dawh ngai (T Base) te chu KR Construction leh Zoramchhana te hian an thawk bawk an ti.

RTI chhanna atanga a landanin Meidum to Hortoki Road hi ONGC ten leihnuai zirchianna an neih avanga chumi atana an khawl leh motor lian te lakluh a ngaih avangin he kawng hi siam a ni.

Under Secretary (T) toh the Govt. of Mizoram, PWD hian December 23, 2021 khan Meidum to Hortoki Phase-II (km 9.100 to km 26.00) Restricted Tender koh phalsakna a tichhuak a, chutihlaiin ONGC lam chuan 7.10. 2015 khan an lo chhuahsan tawh a, an bungrua te pawh ONGC Forward base, Srikona, Silchar an thlen vek tawh tih Congress Vigilance Cell lam chuan an sawi.

Congress chuan sum leh pai dinhmun chhiat lai, sawrkar hnathawkte pawhin hlawh an lak mumal theihloh lai leh damlo inenkawlna bill pawh sawrkatin a bat sak alaia mahni hmasialna leh mimal induhsaknaa mipui pawisa heti zat hmanral a ni chu an thinglung a na tak zet tih an sawi bawk.