Aizawl: OBPAS hman hnuah AMC in insak phalna 1735 a pechhuak tawh.
Aizawl Municipal Corporation in mipuite tana ruahmanna thar a siam Online Building Plan Opproval System (OBPAS) hi June ni 1,2018 atang khan hman tan a ni a, hemi hnuaiah hian ni 30.4.2019 thleng khan dilna 2189 a lut tawh a, hemi hun chhung vek hian mi 1735 hnenah insak phalna hi pek a ni tawh a ni.
AMC hotute chuan OBPAS chu mipuite chhawk zang khaina atana ruahmanna an siam a ni tih sawiin mipuite pawhin an chhawr tangkai hle nia an hriat thu Zalen an hrilh a. He ruahmanna thar hnuaiah hian AMC technical license nei, OBPAS training nei lo te chuan building plan leh thildangte an siam thei lo/thehlut thei lo tih an sawi bawk.