Film lama chawimawina ngaihlut ber tih ngam Oscars chu March 12, 2023 hian sem a ni dawn a, he hunah hian Bollywood film lar 'RRR' a an original soundtrack 'Naatu Naatu' chu perform a ni dawn. 

95th Academy Award-ah hian 'Naatu Naatu' hian nomination a hmu nghe nghe a, award a dawng a nih ngat chuan a ropui khawp ang le. He hla hi RRR film-ah khan Ram Charan leh Jr NTR ten an sa a, a lar hle a nih kha. A satu dik takte erawh Rahul Sipligunj leh Kaala Bhairava te an ni a, film-ah lang lo mah se Oscars ceremony-ah mipui hmaah pho chhuahin an awm dawn e. Oscars-ah hian Ram Charan leh Jr NTR te hi an inlan ve dawn em tih erawh puanzar a la ni lo thung. 

'Naatu Naatu' hi M.M. Keeravani phuah niin, a lyrics hi Chandrabose kutchhuak a ni thung. He hla hian Golden Globes-ah khan Best Original Song atan thlan a lo ni tawh a, Best Foreign Language Film award hlan a ni bawk. Critics Choice Awards-ah Best Song a hlawh chhuak bawk. 

Oscars 2023-ah hian 'Naatu Naatu' hian Best Original Song category-ah nomination a hmu a, award a chuhpuite pawh an hrawl hlawm hle - Lift Me Up (Black Panther), This Is A Life (Everything Everywhere All At Once) tih te a ni nawk.