Norway khawpui, Oslo lailia inkahna thlengah mipa kum 42 mi chu tualthah, tualthah tum leh firfiaka chetna thubuai siamsak a ni.

Zan lama hlimhlawp bawlna hmun tamna, hmun lun lai district-a silai hmeh puahah hian mi pahnih thiin mi dang 21-in hliam an tuar.

Silai hi an ram sanaa Inrinni zing dar 1:00 (India-a dar 4:30) velah hmun thumah a puak a, gay bar pawh a tel.

LGBTQ+ hmun lar tak, London Pub leh Herr Nilsen jazz club bul leh thingpui dawr, pawn lama pe chhuak thinte hmunah a ni.

Oslo-ah hian kum tin neih thin, Pride parade chu Inrinnia neih tur kha a ni a; mahse, a hma lawka inkahna thleng avang hian police thurawn angin thulh a ni.

Norwegian Prime Minister Jonas Gahr Stoere chuan ‘pawisawi lote beihna thleng chuan a barakhaih tak zet’ tih sawi.

“Mi pakhat a lo kal a, a ip atangin silai a phawrh a, a kap ta mai a ni,” tiin chanchinbumi, Olav Roenneberg chuan public broadcaster NRK a hrilh.

London Pub-a awm ve pakhat pawhin darthlalang kehin a fuh ve thu a sawi a, silai a puah lai hi bar pawn lam zawka a awm lai niin a sawi.

Norway Justice Minister Emilie Enger Mehl chuan thil thleng chuan an ram pum a nghawng tih a sawi a. “Norway hi mi tin inrintawnna ram niin Inrinni zana khawlai chhuah pawh a him em emna hmun a ni,” tiin NRK a hrilh.