Aizawl: February ni 27 atanga March ni 1,2020 chhunga Central KTP general conference, Serchhip a neih turah pandal hmanruate lakkhawm tan mek a ni.

Serchhip khan Pastor bial pathum Serchhip Bial, New Serchhip Bial leh Serchhip Vengchung Bial a Kristian Thalai Pawl (KTP) member te chuan Zirtawpni khan Leisekawt Field ah pandal chung tur rangva leh stage tur Steel Structure motor in a phurh te hlanthlak (unload) hnatlang an nei.

He hnatlangah hian mi 70 vel an thawkchhuak a. KTP khawmpui awi 58-na Serchhip a neih tur Pandal sak hna hi January ni 8,2020 ah neih chhunzawm leh tur ani a, hetah hian Pastor Bial 3 a Kohhran Pavalaite bakah Kristian Thalai Pawl te hnatlang tura beisei an ni a. Hemi bak hnatlan zel dan tur chu Pandal Comt. in an ruahman chho zel ang.