Parliament-in a tirh, Left leh Congress MP-te chu Tripura-a Sepahijala district-ah beih an nih avangin mi pathum man an ni tih police chuan Inrinni khan an sawi.

MP-te hi Bishalgarh subdivision-a ramri khua, Nehalchandranagar-ah Zirtawpni khan beih an ni a, he hmun hi tun hnaia inthlan neih zawh hnua buaina chhuahna a nih avangin a chhui chiang turin an tlawh a ni.

“Mi pathum man an ni tawh a, mi dang inrawlhte pawh chhuia man zui an ni ang a. He thil thleng avang hian FIR pawh ziah luh a ni,” tiin police officer-in PTI a hrilh.

Venhimna pawh khauh zawka kalpui niin officer hlun tak takten an awmchilh tih a sawi.

“Delhi-a awm mek, Chief Minister Manik Saha chuan DGP Amitabh Ranjan biain a titute chu eng party mi leh sa pawh ni se man turin a ti,” tiin thuneitu sang dang pakhatin a sawi.

Left leh Congress MP-te hian inthlan zawh hnua buaina chhuahna - West Tripura, Sepahijala leh Khowai an tlawh.