August 8, 2023; ZPM thalai chuan, Mizoram a party lian zingah ZPM chu BJP la thawhpui lo awmchhun an ni tih an sawi.

Vawiin a thuthar thehdarhtute an kawmna ah an vice president Laltanpuia Zote chuan, tun thlengin MNF chuan BJP a la thawhpui chhunzawm tih sawiin, an MP pahnih te pawh vawiin thlengin parliament ah BJP karah an la thu niin a sawi.

May ni 5, 2022 a Mara Autonomous District Council (MADC) inthlan ah Lalsawta president na hnuaiah congress party chuan BJP thian tha ber MNF party thawhpuiin, sawrkar intawm a siampui niin a sawi bawk.

"Lalna leh thuneihna an channa tur a nih chuan congress leh MNF party hian anmahni leh anmahni mai bakah, kristiante tana party hlauhawm, BJP thawhpui hi engtik lai pawhin an inring reng a ni tih Zoram mipuiin an hria," a ti bawk.