Aizawl: CEO Mizoram Ashish Kundra chuan EVM a NOTA awm chhan chu political party te inenletna tur a nih thu a sawi.
He thu hi Facebook India, Joshtalks, CEO Mizoram leh Zalen chanchinbu ten Vanapa Hall-a The Citizens’ Townhall an buatsaih-ah a sawi a. “EVM-a NOTA miin an hmeh chuan candidate-te zingah tumah an duh lo tihna a ni a, hei hi party-te an candidate chhawpchhuah kawngah tifimkhurtu a nih kan beisei a ni,” tiin Kundra chuan a sawi a.
Inthlan dawnin social media-ah thu dik lo thehdarh a tam thin thu leh hemi chhui zuina hi a awm tawh thu sawiin CEO office pawh ‘phone app’ siamin hman theih a nih thu a sawi.
Zirtawpnia neih zawh tak, The Citizens’ Townhall-ah hian panel Additional CEO - Krishnamohan , Additional DC, Aizawl - John Sanga , MZU Prof- Professor Lalneihzovi leh MPF- Rev. Dr. R. Lalbiakmawia te thuin thalai 400 vel kalkhawm te tan inthlan chung changah zawhna an chhang a ni.