Khawvel milar zingah nupa kawpchawi rem leh hun rei tak chhung innei an awm laiin kawppui nei fuh lo ve fe fe an awm ve bawk. Hollywood hmeichhe lar pahnih Elizabeth Taylor leh Kim Kardashian te pawh hian a nei rei lo ve khawp mai.  

Kris Humphries leh Kim Kardashian
Kardashian leh Humphries te inneihna hian ni 72 chhung chiah a daih a, mahse an awm hran hnu hian an inthenna lehkha tihfel chhung hian thla khat vel a awh leh. Reality TV celebrity leh NBA star te hi kum 2011 khan Kardashian-i'n show a neih naah an intawng a. An inhmelhriat atanga ni 90 naah an inhual nghal a, an inkawp thu leh an inhual thu hi TV lamah a tlang thang nghal. An inthen hnu rei lo teah Kardashian hian a bialpa rapper Kanye West lakah nau a pai zui.

Elizabeth Taylor leh Conrad Nicky Hilton
Movie star lar Elizabeth Taylor leh real estate tycoon Hilton te hi LA’s Mocambo nightclub-ah kum 1949, October thla khan an intawng a, an intawn atanga kum khat hnuah Beverly Hills-ah an innei zui. Heng nupa tuak te hi ni 205 chhung chiah an innei hman tihin an inthen zui. He tih hunlai hian Elizabeth Taylor hi kum 18 mi chauh a la ni nghe nghe.