ZALEN Aug. 14, 202; 'Ride to clean air’ tih thupui neia thirsakawr-a India ram fang mektu, Vanlallawmzuala Varte (LZa) s/o VL Chhuanawma, Mission Veng chu km. 13,161 inkhalh tawhin, Aizawl atangin Himachal Pradesh a thleng tawh.

LZa hian January 25, 2024 khan Aizawl a chhuahsan a, nimin thleng khan km. 13,161 vel a tlan tawh.

Himachal a cham chhungin, R. Lalnunsanga, IFS chuan lo mikhualin, a riahna tur zawng zawng a lo buaipui sak veka, a chungah a lawm hle tih ZALEN a hrilh.

Chawhrualin nitin km 100.39 tlan ziah ang a ni a, ni 21.2.2024 khan km 158.49 a tlan a, hei hi ni khata a tlan thui ber a la ni.

Lza hian tunhnai khan khawvela lirtheiin a zawh theih hmun sang ber Umling La a inkhalh thleng tawh bawka. Thirsakawr-a Lza inkhalh ang thleng phak hi Mizo zingah midang an la awm hriat a ni lo a, thirsakawr ngata Umling La thleng pawh hi Mizo dang an awm hriat a ni lo bawk.

Harsatna dang a tawk lo a nih chuan vawiin (14.8

24) hian Dehradun thlen theih a inring tih Lza hian ZALEN a hrilh bawk.