September 30, 2023; Sawrkar laipuiin October ni 1, 2023 zing dar 10 atanga dar 11 chhung India ram chhunga state zawng zawng a a duh a piangte faina beihpui thlak tura a ruahman chu Kristiante ni pawimawh Pathianni a nih avangin Mizoram sawrkar chuan October ni 2, Thawhtanni a hmang turin ruahmanna a siam. 

Hemi chungchang hi chief minister Zoramthanga'n a official IG page ah tarlangin, India Hnampa Mahatma Gandhi piancham October ni 2 puala Faina Ni kan hman thin chu India ram pumah hlawhtling taka kan hman theih nan sawrkar laipui chuan Faina Ni beihpui thlak chu September 15, 2023 atanga October 2, 2023 thleng neih turin ruahmanna a siam a. 
Amaherawhchu October ni 1, 2023 hi Pathianni (Sunday) a nih avangin Kohhran mite tan he ni-ah hian faina beihpui thlak a remchang dawn lova. Chuvangin Kohhran member-te tel vek theih nan a tuk October ni 2, 2023 atangin Faina beihpui thlak hi kalpui tura ruahmanna siam tur a ni a. Hei hi Faina Hapta intanna a ni nghal bawk dawn a ni.

Secretary UD&PA pawhin hemi chungchangah vek hian circular chhuahin, 1.10.2023 chu Pathianni a nih avangin Kohhran member te tan he ni ah hian faina beihpui thlak a remchang lo tih a tarlang a, October ni 2 atanga Faina hapta kalpui turin UD&PA Directorate, AMC, LMC, DUDO leh DPO zawng zawngte a tul anga hma la turin a hriattir.