January 20, 2024; CM Lalduhoma'n Shillong Neigrihms bul, Mizoram sawrkar ram a patient lodge sak chu a hna a chhiat avangin chhutchhiat tir leh vek a ni tih a sawi.

Vawiin tlai dar 4 a CM Conference Hall a thuthar thehdarhtute a kawmna ah he thu hi sawiin, CM Duhoma chuan, Neigrihms bul a patient lodge sak hna chu tu emaw in, contractor pakhat hming a a sak a nih thu leh, kum 2 chhung a sak zawh tur a ni tih a sawi.

Patient lodge sak hi a zawh a hun tawh a, a sak a chhe hle a, Shillong a Mizo Community te pawh an mangang niin a sawi.

CM Duhoma chuan patient lodge satu chu ban a ni tih sawiin, a sa hmasatu in a hman contractor chu hna bultan tur a tih a ni tih a sawi. "Hna a chhiat avangin hnathawh sa thiah leh vek a ni a, tunah hian contractorin bul a tan dawn a, kum 2 chhung a zawh tur, kum 1 chhung a zawhtir kan tum a ni," a ti bawk.

Paient lodge sakna hi NEC atanga sum hmuh a ni a, hna bul tan leh tur tan a fund 10% emaw a tihpun theih beisei a ni tih CM chuan a sawi.