Aizawl July 8, 2022: July 7, 2022 khan Bawngkawn Police te chuan Singson Petrol Pump bul Hunthar Veng-ah India pawisa lem cheng nuai sarih chuang chu a kawltute nen an man.

Bawngkawn PS-in an thudawn bawhzuiin, SI John Vanlalruata Sailo, Bawngkawn PS hovin Hunthar Veng, Aizawl, Singson Petrol Pump bulah Vanlalruata (45) s/o Isho Chandro, Tuipuibari leh Joseph Lalmuanpuia (31) s/o Samuela, Lunglei te chuanna lirthei (sumo) chu lo tidingin, uluk taka dap anih hnuah pawisa lem FICN (Fake Indian Currency Notes) Rs 7,40,000 (Rs 500 note hlir) chu an kut atanga man a ni. 

He thil chhuizuina leh an inpuanna atangin heng pawisa lem hi thla thum liamta khan Guwahati atanga la in, Aizawl a hmanral/thehthang an tum a, he thil hi chhuichian mek zel a ni.