September 1, 2023; Pawlrang Branch YMA chuan an khaw bul a lirthei tangkhang thahnemtak chu anmahni insengso in ni 5 chhung an buaipui a, ei leh in an pek bak-ah an mamawh ang angte an pe.

Pawlrang branch YMA hruaitute hnen atanga ZALEN thudawn danin, August ni 17 atang khan Pawlrang khaw dai, km 2 vela vai Truck, Alkatra phur chhia chuan motor engemaw zat dangin, an helna lamah lirthei an tang zui zel bawk a. He'nga motor tang leh mihring ei tur buaipuiin Pawlrang branch YMA chuan an theih ang tawk tawkin ni 5 chhung an buaipui a ni. 

Heng mite hnen atang hian tanpuina an dawng a, lawmthu an sawi

1. MTDA  : Rs. 1500
2. Pu Maruata, Seling : Gas bur 1( stove a hawhtir bawk)
3. Pu Liana, Thingdawl: Gas bur 1 leh Rs. 1000
4. Pi Sangtei, Keifang: Rs. 1000
5. Pu Marova (ZPM Official Candidate, Lengteng Constituency) Rs. 5000
 
Traffic enkawl kawngah experience nei tumah an awm lo va. Motor tam nen, kawng chhia leh khaw chhe karah an lo hah ve deuh bawk nen, tawngkam mawi lo pawh an hmang ang tih an inring a, chungah chuan hriatthiamna an ngen.