December 23, 2022; September 19, 2022-a Central Jail, Aizawl atanga tlan chhuak, JK Lalsangzuala (36) s/o Uniranga (L), Lunghauka, Lawngtlai District-a mi chu thla thum hnuah Lobo Outpost Team (Siaha District) te chuan December ni 22 zan khan Niawhtlangah an man.

Thuampui, Aizawl-a hmeichhe naupang kum tling lo pawngsual (All Women Police Station Case u/s 4 of POCSO Act r/w 376(3)IPC) kaihhnawihah August 8, 2022 khan man a nih hnuin Judicial Custody/Jail atangin September 19, 2022 khan a tlan chhuak a ni.

Hei bakah Lunglei PS Case u/s 376/511/354/354B IPC kaihhnawihah November 22, 2022-a Lunglei Rahsi Vengah nu pakhat pawngsual tum thubuaiah Lunglei police in an zawn mek a ni tih hriat chhuah a ni bawk.