Aizawl: PC Party chuan AMC inthlan chu party mala chuh an tum tih an sawi.

Nimina thuchhuah an siamah PC Party chuan kan hma lawka Aizawl Municipal Corporation (AMC) inthlan lo awm tur atan Peoples’ Conference Party chuan ward tinah candidate dah ngei tumin hma an la chho zel tih an sawi a. Party dang tanrualpui emaw thawhhopui emaw tum loa mal din ngei an tum tih an sawi bawk.

PC Party chuan Serchhip bialtu MLA Lalduhoma, a nihna atanga paih thlak ngai khawp dinhmuna a din avanga Serchhip Constituency-ah bye election neih a ngai ta mai chu pawi an ti hle tih an sawi a. Serchhip bial chhung hmun hrang hrangah PC Party in mi leh sa an ngah nia sawiin bye election lo awm turah hian PC Party chuan Party mala chuh ve ngei nise tih party mipui atanga nawrna a nasa hle a. Party Headquarters hruaitute thutlukna ngaihchan mek a ni tih an sawi bawk.