DOWNLOAD OUR APP

Read latest news on your phone
app-store
Permit hralh a tam, a rilru nat thlak - ATTA President
Dec 05, 2021

Aizawl; Aizawl Two-wheeler Taxi Association chuan sawrkarin Two wheeler Taxi permit a pek dan chu an hriatthiam loh thu an sawi a, a mamawh te hnenah pek ni lo va party mi leh sa te hralh chhawn leh tura permit pek chu tha an ti lo. Permit pek leh tumna pawh a theih anga dodal zel an tum thu an president chuan ZALEN a hrilh. 

Aizawl Two-wheeler Taxi Association president Lalhmunmawia chuan mi thenkhat ten permit pek leh an duh lo chu mi dang eizawnna nei ve tur thika an puh chu hriatthiam a har a tih thu sawiin, "Mi dang eizawnna tur lo huphurh anga an sawi hi kan huangchhung an hriat tawk loh vang a ni. A nihna tak tak hi hre chiang se hetiang zawng hian min ti lo ang," tiin, "Permit nei ten khalh peih tak tak chuang si lovin permit an hralh a, thenkhat pawhin taxi tura siam thlapin hlep tam zawkin an hralh leh mai mai a, hei hi eizawnna atana hmangtute tan chuan a rilru nat thlak tak zet a ni," a ti.

Permit hralh a tama a hriat thu leh za-a-sawmnga (50%) aia tam mah hian permit hi an hralh a rinthu pawh sawiin, "Member ni tur hian form kan nei ve a, hengah te hian permit neitu hming leh member tura dilna rawn siamtu hming inmil hi a tlem hle a, inmil lo hi a tam zawk an ni. Hemi atanga teh phei chuan permit hralh hi tam hle turah kan ngai," a ti.

Hmunmawia chuan, "Taxi permit pek hi kan duh lo a, kan theihtawpin kan dodal. Chutihrualin an pe a nih pawhin a mamawh te ngei, eizawnna atana hmang ngei hi pek ni se kan duh. Party mi induhsakna anga lang theia permit inpek ringawt hi a fuh kan ti lo a, permit hralh sum siamna atana hman hi tha kan ti lo," a ti bawk.

Permit zawrh/ Taxi a siam tawh zawrh chungchanga sawrkarin hmalakna a nei lo chu tha an tih loh thu sawiin, "Facebook leh social media hrang hrangah langsar takin an zuar a, heng permit leh taxi sum siamna atana hman tum te hi chu an permit hi sawrkar hian cancel sak mai tura ngaih a ni. Chutihrualin hmalakna awm miah lo hi hriatthiam a har. Heng permit leh taxi zuar ho hi chu an permit cancel sak a, sawrkar atanga permit an lak chhuahna cheng 500/- kha return leh mai se tha kan ti," tiin ZALEN a hrilh bawk.

ATTA president chuan, "Permit pek chungchangah sorkar nan dodal ngawr ngawr lo, stand pekbelh kan ni thei lo te, Local Council thenkhat ten stand min pek te pawh approved sak kan la ni lo te hi min ngaihtuah hmasak lo te hian hriatthiam a har a, stand indaih loh avanga kan buai laia permit pekbelh hi chu a fuh lo a ni," a ti.

MNF kaihhruai sawrkarin Two-wheeler Taxi permit a pekchhuah ve leh hma khan ATTA-ah hian member 1000 bawr vel an awm thin a, permit pekchhuah a nih leh takah hian member hi 2000 an chuang tawh a, Traffic lam atang hian Taxi sticker hi 2300 bawr lakchhuah a nih tawh niin, ATTA president chuan a sawi bawk.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh