Police administration a ni a, a tul angin hma kan la - IGP
Camp tharah insuan lut tawh harsatna a awm tawh lo - SP
Aizawl; Inspector General of Police (IGP) John Neihlaia chuan tui tlan nu video theh darhtute chungchanga an hmalakna chu police administration a ni tih ZALEN hrilhin, police chhungah tul an tih anga hma an lakna a nih thu a sawi.
ZALEN-in a biaknaah IGP chuan police administration a nih vangin suspend leh insawifiah tura kohte chu felfai zawka enquiry tih a nih theihna tura an hmalakna a ni tih a sawi a. “Enquiry tih ngei a ngai a ni kan ti a, chu chu police administration a ni a... police chhungah chu chu a tul kan ti a ni,” a ti bawk.
Social media hrang hranga Saipum-Zunzam camp (1st Bn. MAP) Tuikhur nu Mizoram police mi leh saten thala an thlifim lai video darh chungchang Kolasib SP Vanlalfaka Ralte sawifiahna a tar lan a nih danin, Saipum - Zunzam camp chu Mizoram - Assam ramria kawng laih thar kawngsirah a awm a, Saipum - Tuirial NEEPCO peng atangin km 20 vela hla, ramhnuaia awm niin, 1st BN. MAP sipai 16, sub inspector hovin an awm a ni.
He camp tuikhur hi kawng laih leivungin a khuh vek avangin hai fai that leh a ni a, tui in turah harsatna an neih avangin Saipum atangin tui 207 trip hnih leisak an ni tawh a, kawng chhia leh nal lutuk vangin trip khat chauh a thleng thei a, an camp-ah ruahtui dawhnate siamin, in tur leh ei rawngbawlna turah chuan harsatna lutuk an tawk lo va, insukna leh inbualna tur chu an tuikhura tui chu filter-in an dah fim a, an hmang mai thin a ni.
Kolasib SP chuan he camp-ah hian tui an harsat avangin Apri 25, 2022 khan camp tharah insawn tura tih an nih thu tar lang bawkin, khawchhiat vanga kawng diak leh nal avangin an insawn mai thei lo tih a tar lang bawk.
Hemi chungchangah hian Kolasib SP chuan ZALEN zawhna chhangin camp tharah an insuan lut vek tawh tih a sawi a, camp tharah tui chawina motor-te a awm avangin harsatna awm tawh lo turah a ngai tih a sawi.
Ramri depa Mizoram police duty thenkhatte tui tlan nu tak video thehdarh a nih avangin Hav. Dengthangpuia chu suspend a ni a, mi pathum dang pawh May 13, 2022 hmaa insawifiah tura tih an ni a, anni pawh an insawifiah tawh nia thudawn a ni.
Latest News & Chhiar Hlawh
-
1m | Mar 28, 2024
-
1m | Mar 28, 2024
-
1m | Mar 28, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
2m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 27, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 26, 2024
-
1m | Mar 25, 2024
-
1m | Mar 25, 2024
-
1m | Mar 25, 2024
-
1m | Mar 25, 2024
-
1m | Mar 25, 2024
-
1m | Mar 25, 2024