Aizawl May 21, 2024 : Ni 16.03.2024 khan Election Commission of India (ECI) chuan Press Note No.ECI/PN/23/2024 dt. 16.03.2024 hmangin General Elections to Lok Sabha, 2024 neih dan tur leh hun bituk a puang a. 1-Mizoram (ST) Parliamentary Constituency tana hun ruat dan (schedule) chu a hnuaia mi ang hi a ni :-

Poll Events          Schedule   

Date of Issue of Gazette Notification   20.03.2024 (Nilaini)

Last date of making Nominations   27.03.2024 (Nilaini)

Date of Scrutiny for Nominations   28.03.2024 (Ningani)

Last date of withdrawal of Candidatures   30.03.2024 (Inrinni)

Date of Poll         19.04.2024 (Zirtawpni)

Date of Counting         04.06.2024 (Thawhlehni)

Date before which elections shall be completed   06.06.2024 (Ningani)

India Sawrkar laipui hnuaia Ministry of Home Affairs (MHA) chuan Mizoram SAPF, Coys 15 te chu Bihar, Uttar Pradesh leh Madhya Pradesh-a venhim hna thawk turin a rawn ti a. Mizoram SAPF te duty na tur State leh date of induction chu a hnuaia tarlan ang hian a ruat a :-

State       Company zat   Date of induction

Bihar       8 Coys      01.04.2024

Uttar Pradesh   4 Coys      01.04.2024

Madhya Pradesh   3 Coys      08.04.2024

Mizoram SAPF tana hun bituk avanga Police 1047 in vote an thlak ngei theih nan hmalak sak tura ngenna leh zawhfiahna Director General of Police, Mizoram leh District Election Officer, Aizawl District / Returning Officer, 1 – Mizoram (ST) Parliamentary Constituency hnen atangin lehkha dated 27.03.2024 leh 28.03.2024 hmangin dawn a ni. Mizoram SAPF te harsatna tawh hi Election Commission of India ah lehkha dated 28.03.2024 hmangin Office of the Chief Electoral Officer, Mizoram chuan a thlen a. Chu lehkhaah chuan Bihar leh Uttar Pradesh-a duty tur Company 12 ten vote an thlak theih nana an duty na hmuna Postal Ballot thawn a rem leh rem loh thu leh, Postal Ballot-a vote an thlakte dak hmanga RO, 1 – Mizoram (ST) Parliamentary Constituency hnena rawn thawn let a rem leh rem loh zawh a ni a. Tin, Mizoram SAPF Company 3, Madhya Pradesh a duty tur, ni 03.04.2024 a an duty na State pana che chhuak tur te tana Facilitation Center hawn a rem leh rem loh thu zawh a ni.

ECI chuan lehkha dated 06.04.2024 hmangin, Rule 18A of the Conduct of Elections Rules, 1961 as amended in 2023 in a tarlan angin, voter election duty a kal tur chuan postal ballot chu Facilitation Center chhung ngeia a dawna, a vote a thlak a, a thehluh leh nghal a ngaih avangin Postal Ballot te hi dak hmanga inthawn a rem loh thu leh, Mizoram SAPF te tan hian vote an thlak theih nan Mizoram chhungah Facilitation Center ruahman turin a rawn hriattir a. Amaherawhchu, election hun bituk a chunga tarlan leh, Mizoram SAPF te induction hun, MHA in a rawn bitukte avangin Postal Ballot a Facilitation Center a vote thlak tura ruahmanna hi Company 12, Bihar leh Uttar Pradesh-a duty turte tan hian siam hman a ni lo.

Bihar leh Uttar Pradesh-a duty Company 12 te hi Rel (train) hmangin ni 28 leh 29, March, 2024-ah an chhuah a ngai a. Hetih hun lai hian Candidate-te list hi final a la nih loh avangin Postal Ballot hi print theih a la ni lo a ni. Chu mai bakah Candidate te inhnuhdawh theih hun hi Ni 30.03.2024 thleng a nih avangin hmalak ngaihna a awm lo a ni. Tin, ECI chhanna hi Ni 06.04.2024 a dawn a nih chauh avangin, Company 3, Madhya Pradesh-a duty tur te tan pawh hian ruahmanna siam a remchang ta lo a, heng company 3 te pawh hi Ni 03.04.2024 ah Relin an lo chhuak fel tawh a ni.

Hemi hnu hian Office of the Chief Electoral Officer, Mizoram chuan lehkha dated 23.04.2024 hmangin ECI ah, vote chhiar ni, Ni 04.06.2024 hma ngeia Mizoram SAPF mi leh sa, 1047 ten vote an thlak theih nana kawng zawn sak turin ngenna a thlen leh a. He ngenna hi ECI chuan lehkha dated 01.05.2024 hmanga rawn chhangin, Rule 18A of the Conduct of Elections Rules, 1961 as amended in 2023 in Postal Ballot hmanga vote thlak dan tur a tarlan rawn sawi nawn lehin, Ni 19.04.2024 a Mizoram a vote thlak a nih tawh avangin Mizoram SAPF te tan vote thlak theih a nih tawh loh thu a rawn hriattir a ni.

Hetiang hi thil awm dan a nih avangin tun dinhmunah chuan Mizoram SAPF te tan hian ruahmanna siam theih a ni ta lo a ni.