ZALEN July 8, 2025: Mizo Diaspora Cell Chairman Vanlaldina Fanai, Commissioner & Secretary to Chief Minister ni bawk chuan vawiin khan hriattirna tichhuak a, Mizoram pawn hmun hrang hranga awm Mizo Association te chu Mizo DiasporaHub a in register turin a ngen.

Hriattirnain a tarlan danin, he DiasporaHub hi LushAITech te nena Memorandum of Agreement ziaka an siam a nih thu leh hman nghal theiha dahchhuah a ni a. State pawna cheng zofate inhriatpawhna leh a tul anga intanpuitawnna tur te, sawrkar hmalakna an lo hriat zung zungna tur leh sawrkara an mamawh an thlen theihna tur a nih thu a tarlang bawk.

State pawna awm Mizo Association hrang hrang te, a ranglama lo in register tura ngen an ni. Tunah hian Student Association 15, Welfare Association 50, Welfare & Religious Association 10, Religious Association 58 inziaklut tawhin Member 37,160 an tling tawh a ni.

Playstore/Apps store link chu : play.google.com/store/apps/details?id=com.diasporahub a ni a.

Website Address chu : mizoram.diasporahub.in/ a ni e.