ZALEN July 9, 2025; Serlui B hydel project chu privatise/out-source tura diltu leh beseitu an awm a. Mizoram sawrkar tan a that ber dan tur zirchian mek a ni.

Serlui B tuikhuah hi Bilkhawthlir khua atanga kilometre 12 a hla ah awmin, Aizawl atang chuan kilometre 120 a hla a ni a, Kolasib District chhungah awmin Power & Electricity Department hnuaia 12 megawatt Hydroelectric Power Station awmna ani bawk. A tuikhuah (Dam) pawh hi Power & Electricity Department hmalakna in kum 2009 khan hawn alo ni tawh a ni.

Tourist Lodge Serlui B hi khualzin (tourists) bakah Zoram mipuite, a bikin Serlui B leh a chhehvel tlawhtuten chawlh hahdam nan leh inhnangfak nan an hman theih turin buatsaih a ni bawk.