ZALEN June 25, 2024; Champhai police in Myanmar atanga dan lova phurh luh kuhva ro ip 192 an man.

Maipawl.org in a tarlan danin, June ni 22, inrinni zan khan Champhai police te hian Champhai police checkgate helna Zotlang atanga Chhungte pawh kawngah lirthei pathum atangin kuhva rah hi an man a, ruahsur avanga kawng a chhiat avangin heng lirthei pathumte hian leilaihna khawl nen checkgate hi an hel a, escort na lirthei an man tel bawk.

Lirthei an man pahnih hian kuhvarah ip 60 ve ve an phur a, pakhatin ip 72 a phur thung a, a vaiin ip 192 niin, bag khatah kg 60 zel awmin, a vaiin kg 15,360 a ni. Tualchhung hralhna a chhutin Rs. 9,98,400 hu a ni a, kuhva rah leh a phurhna lirthei te hi nimin khan Custom Preventive Force, Champhai kutah hlan nghal an ni a, lirthei pathumte hi an document a fel loh avangin dan anga hrem an ni bawk.