Aizawl May 19, 2023: Superintendent of Police, Aizawl District chuan Rape and POCSO Act dan hnuaia pawikhawihtu,  Lalkamlova s/o Lalchhingpuia (L), Tlangnuam Vengthar, Aizawl Court in a hrem chungchangah thuchhuah a siam a. Pawikhawihtu hrem a nih theihna tura theihtawp chhuah a thubuai chhuitute chungah lawmthu a sawi.

Ni 27 October, 2022 khan R. Lalthazuala, Presiding Officer, Fast Track Special Court (Rape and POCSO Act), Aizawl Judicial District chuan hremna ti chhuakin Lalkamlova s/o Lalchhingpuia (L), Tlangnuam Vengthar, Aizawl chu kum 2020 December leh January 25, 2021 inkara naupang kum tlinglo a pawngsual avangin hrehawm taka kum sawmhnih (20) chhung Lungin tang tur leh Rs.10,000/- chawi turin a chungthu a rel a, a pawisa chawi tur hi a pe theilo anih chuan hrehawm takin thla thum (3) a tan belh turin a chungthu hi a rel a ni.

He pawikhawihna chungchang report hi 27.01.2021 khan All Women Police Station, Aizawl ah dawn a ni a, All Women Police Station Case No. 1/2021 Dt. 27.01.2021 u/s 6 POCSO Act r/w 376AB IPC ziah luh niin SI Rothangliani chu hemi case chhui tur hian ruat a ni. Ani hian he case I/O in a chhui zui a, finfiahna lakhawm in Court ah charge-sheet thehluh a ni a, pawikhawihtu hi Court ah a chungchang ngaihtuah zui niin, Court chuan he hremna hi a pe a ni.

Superintendent of Police, Aizawl District chuan pawikhawihtu hrem a nih theihna tura theihtawp chhuah a thubuai chhuitute chungah Aizawl District Police aiawhin lawmthu a sawi a ni.