Aizawl: A awmna nula chemte nena bei a, tlanchhe zui ta, Buanga tia koh chu police-ten man tumin an zawng mek a, he chanchin buatsaih lai thleng hi chuan man a la ni lo.

Thudawn danin Zirtawp zing dar 2:30 vel khan Bawngkawn Brigade venga Bawihbawih Uisa dawr neituten hnathawka an chhawr, Buanga tia hriat chuan a awmnate fanu, room-a mu lai, Linda Lalhmachhuani chu a hrawka zai tumin chem nen a bei a, Linda-i hi a lo inven hman vang leh a au avangin a tlanchhia a, zawn mek a ni.

Thudawn danin Buanga hi Linda-i room-ah lutin, a puansin a pawh chetna lamah Linda-i hi a harh a, light a in off vek vangin chiang takin a hmu thei lo a. Light ‘on’ a tum chu Buanga hian a kutah lo man sakin, a hrawkah a rek a, a hrawk-ah zai tum zuiin Linda-i hi lo indangin, a lo indannaah hian a kutah hliam a tuar nual a a ni.

An thawm hriain mi dang an lo harh a, Buanga chu tlan-chhuakin, Linda-i scooty MZ 01 K/1990 (Jupiter)-in a tlanbo zui nghal a ni.