Aizawl : Good Friday, April ni 2, 2021 khan ZMC RT-PCR laboratory ah sample test neih a ni lo a, district TrueNAT laboratory-ah sample test negative vekin, Rapid Antigen Test hmanga sample test zingah COVID-19 positive 3 hmuhchhuah a ni. Tunah hian positive enkawl lai hi mi 40 an awm mek a ni.

Test-a positive te hi Lengpui Airport Screening point-a hmuhchhuah, Aizawl district a mi vek niin, Ramhlun South mi hmeichhia kum 28 a upa, Delhi atanga lo haw, symptom nei lo a ni a, pakhat hi Kanan Veng mi, mipa kum 23, Ahmedabad, Gujarat atanga lo haw, zirlai symptom nei a ni thung. A dang leh hi Pushpak mi leh sa niin kum 29 mi a ni a, Zemabawk-a Pushpak hmuna awm tura rawn kal, symptom nei lo a ni.

Sample test zawng zawng  hi mi 386 (Mipa - 273, Hmeichhia - 113) an ni a, RAT test hmachhawn 345 (Mipa - 247, Hmeichhia - 98) niin TrueNAT hmangin 41 (Mipa - 26, Hmeichhia - 15) test an ni a, Positive hi za zela 0.77% a ni.