June 12, 2022 : West Bengal Chief Minister Mamata Banerjee chuan Inrinni khan eptu hruaitu hrang hrangte hnenah lehkha thawnin June 15-a New Delhi-ah president inthlan lo awm tur sawihova thutkhawmpuiah a sawm.

An party-in thuchhuah an siamah president inthlan atan hian Banerjee-i hian eptu chief minister leh hruaitute chu inhmu khawm turin a sawm tih an tar lang.

Mi sawmte hi eptu hruaitu mi 22 an ni a. An zingah hian Congress chief Sonia Gandhi, Maharashtra Chief Minister Uddhav Thackeray, Delhi Chief Minister Arvind Kejriwal, Kerala Chief Minister Pinarayi Vijayan, Odisha Chief Minister Naveen Patnaik, Tamil Nadu Chief Minister MK Stalin, Telangana Chief Minister K Chandrasekhar Rao, Jharkhand Chief Minister Hemant Soren leh Punjab Chief Minister Bhagwant Mann an tel.

President inthlan hi July 18-ah neih tur niin MP leh MLA 4,809-in vote an thlak dawn a, vote tlate hi July 21-ah chhiar a ni ang.